Me zemrën e thyer, vëllai i Valentina Binakaj flet pas varrimit: Sot do festonim fejesën e mbesës

Vëllai Valentina Binakaj, ka folur pas varrimit të motrës. Ai ka treguar se 4 mbesat dhe motra ishin nisur për në Kosovë pasi pikërisht ditën që u varrosën, ishte caktuar dita e fejesës së mbesës.

“Shumë rëndë. Janë mundu me më kontaktu motrat kur kanë marrë lajmin nga mbesat tona. Kam qenë në gjumë se kam qenë në punë natën. Djali më ka zgjuar nga gjumi më tha dicka i ka ndodhë hallës. Nga mbesa e kam marrë lajmin se motra ka vdekur në vend, mbesën në bazë të këpucave, të këmbëve e kanë njohur që është ajo.

E madhja ka dashtë zoti që me ato lëndime të mbijetoi, pak trauma kanë. Sot ka qenë dita e fejesës kur u caktu, ka qenë edhe arsyeja pse kanë udhëtu 3-4 ditë përpara edhe me e kry ceremoninë”, shtoi ai.

Nga aksidenti tragjik i regjistruar pak ditë më parë në Kroaci, humbën jetën 10 persona e u plagosën mbi 60 të tjerë. Disa prej të mbijetuarve janë ende të shtruar në spital ku po marrin shërbim mjekësor ndërsa një pjesë tjetër janë kthyer në Kosovë.