Albin Kurti mbërrin me helikopter në Kroaci, viziton të aksidentuarit

Kryeministri i Kosovës, Albin Kurti dhe zyrtarë të tjerë të lartë kanë mbërritur pak minuta më parë në Kroaci ku po ndjekin nga afër gjendjen e të plagosurve nga aksidenti i autobusit nga Kosova.

Mësohet se janë ministrja e Punëve të Jashtme, Donika Gërvalla, ministri i Punëve të Brendshme, Xhelal Sveçla, ministri i Shëndetësisë, Arben Vitia si dhe shefi kabinetit të Vjosa Osmanit, Blerim Vela.

Sipas mediave kosovare, ata u pritën nga ambasadori i Kosovës, Gëzim Kasapolli dhe disa zyrtarë.

Vizita në Kroaci është për personat që i kanë mbijetuar vdekjes nga aksidenti tragjik që ndodhi mëngjesin e sotëm në Kroaci. Për pasojë ndërruan jetë 10 persona.