Trazirat pranë Kuvendit, një i arrestuar dhe 7 të proceduar në gjendje të lirë

Një person është arrestuar dhe shtatë të tjerë janë proceduar në gjendje të lirë pas protestës së zhvilluar një ditë më parë pranë Kuvendit.
 
Nga tetë personat e shoqëruar nga policia pas protestës, vetëm njëri është arrestuar, pasi dyshohet se ka goditur punonjës të policisë për shkak të detyrës.

Ndërkohë, shtatë personat e tjerë do të ndiqen penalisht në gjendje të lirë.Hetimet vijojnë për dokumentimin e plotë të rrethanave të incidentit dhe përcaktimin e përgjegjësive ligjore të personave të përfshirë.