“Mini Shengen” bën bashkë Ramën dhe Vuçiç, takim me Zaev në Maqedoninë e Veriut

Ditën e sotme, por edhe nesër, presidenti serb Aleksandar Vuçiq dhe kryeministri i Shqipërisë, Edi Rama do të jenë për në Shkup ku do të takohen me kryeministrin e Maqedonisë së Veriut, Zoran Zaev në kuadër të nismës për bashkëpunim e njohur “Mini-Shengen”. Mësohet se gjatë qëndrimit në Shkup, Zaev, Rama dhe Vuçiq do të marrin pjesë në Forumin Ekonomik për bashkëpunim rajonal, i organizuar nga Odat ekonomike të Serbisë, Maqedonisë dhe Shqipërisë.

Ndërkohë që një javë më parë, Vuçiq tha se emri i nismës “Mini Shengen” do të ndryshohet në Forumin ekonomik rajonal në Shkup dhe se do të nënshkruhen tre marrëveshje.