Greqia vijon ndihmat, pas Shqipërisë i dhuron Maqedonisë së Veriut 20 mijë doza vaksinë

Greqia i ka dhuruar Maqedonisë së Veriut 20 mijë doza të vaksinës anti- Covid. Mësohet se kjo sasi do mbërrijë në Shkup këto ditë. Lajmin e dha ministri maqedonas i Shëndetësisë, Venko Filipçe, përmes rrjeteve sociale.

“Ky donacion është shumë i rëndësishëm për ne dhe do të doja të shpreh falënderime deri tek populli grek dhe ambasadori i Republikës së Greqisë tek ne, Rusos Kunduros. Arritja e dozave të reja të vaksinave po zhvillohet në kohë dhe në pajtim me këtë imunizimi i popullatës po rrjedh mirë. Apeloj që sa më shumë qytetarë të paraqiten në vakcinacijamk”, shkruan ai.

Ndërkohë, Greqia si vend i Bashkimit Europian, është angazhuar të ndihmojë me vaksina vendet fqinje Shqipërinë e Maqedoninë e Veriut teksa ka me Turqinë kanë nënshkruar marrëveshje për të njohur vaksinat.