Detaje/ Infermierja vdiq dje në Kroaci, la pas 5 fëmijë, udhëtoi me autobuz se ishte më lirë

Më herët bëmë me dije se viktimë në aksidentin e djeshëm ka qenë Alinda, 37-vjeçe, ndërsa 4 fëmijët e saj janë në gjendje të mirë. Mësohet se viktima punonte si infermiere në Gjermani dhe kishte menduar që të udhëtonte me Aeroplan, por bileta e lirë e autobuzit bëri të ndërrojë mendje.

“Kam punuar për 10 vjet në Rijeka, dhe 30 vjet më parë kam shkuar në Gjermani. Unë u ktheva në Kosovë dhe fëmijët e mi, Alinda dhe dy djem të tjerë, qëndruan në Shtutgart. Ajo ka punuar atje si infermiere. Ata po mendonin të shkonin me aeroplan për në Prishtinë, por përsëri vendosën të merrnin autobusin më lirë. Ishte një tragjedi e madhe për ne”, ka treguar babai i saj, Arif Kikaj.

Ndërsa, fëmijët e viktimës të cilët po udhëtonin me të janë shëndosh e mirë. Fëmijët janë të moshës 14, 12, 9 dhe 7 vjeç.

“Dhëndri ishte me ta. Ata e pyetën: Babi, ku është mami? Arifi thotë, pastaj qan përsëri. Ata planifikojnë t’i marrin fëmijët në Kosovë dhe pas disa ditësh dhe pasi të varrosin nënën e tyre atje, ata do të kthehen në Gjermani”, ka treguar Kikaj./Express