Banka më e madhe e Norvegjisë do të shkurtojë rreth 400 vende pune mes ndryshimeve të nxitura nga IA

DNB do të shkurtojë rreth 400 punonjës në njësinë e saj të Teknologjisë dhe Shërbimeve, njoftoi banka më e madhe e Norvegjisë, duke përmendur rritjen e investimeve në agjentët e Inteligjencës Artificiale (IA) dhe në zgjidhjet dixhitale, të cilat kanë sjellë ndryshime në organizatë.

“Inteligjenca Artificiale po ndryshon mënyrën se si punojmë dhe se si u ofrojmë shërbime klientëve tanë”, tha në një deklaratë drejtoresha ekzekutive e bankës, Kjerstin Braathen, duke shtuar se DNB po përshtatet me atë që ajo e cilësoi si “një realitet të ri”.

DNB ka nisur përdorimin e agjentëve të Inteligjencës Artificiale për të zëvendësuar detyra që më parë kryheshin manualisht në disa prej operacioneve të saj.

Banka pret që shkurtimet e vendeve të punës të përfundojnë gjatë tre muajve të fundit të vitit 2026, ndërsa kostot që lidhen me këtë proces do të regjistrohen në tremujorin e dytë të vitit 2027.

Me rritjen e investimeve në Inteligjencën Artificiale, kompani në mbarë botën kanë ndërmarrë shkurtime masive të vendeve të punës, me synimin për të automatizuar punët rutinë.

Aksionet e DNB u rritën me 1% pas njoftimit. / Reuters