PS bie në 72 deputetë, LSI lë pa mandat Ramën në Durrës

Partia Socialiste vijon të pësojë goditje dhe rënie. Këtë herë numërimi i votave në qytetin e Durrësit ka rezultuar me surpriza për Lëvizjen Socialiste për Integrim, e cila ka arritur të rrëmbejë një mandat deputeti.

Kujtojmë se bëhet fjalë për mandatin e kryeministrit Edi Rama, i cili kandidonte në Durrës, i renditur në numrin tetë.

Dyshohet se ky mandat i Ramës është "rrëmbyer" nga kandidatja e LSI, Elona Guri.

Deri pak momente më parë, PS numëronte 8 mandate në Durrës ndërsa me goditjen e fundit ka shkuar në 7.

Partia Demokratike nga ana tjetër ka fituar deri më tani 6 mandate me 40.05% të votave, ndërsa LSI mori një mandat deputeti me 6.43% të votave.

Procesi i numërimit në Durrës ka vijuar përgjatë gjithë ditës së sotme me ritme të ngadalta./LajmiFundit