Bie PD, partia e Tom Doshit i rrëmben një deputet në Shkodër, ja rezultatet paraprake

Partia Social Demokrate, e cila drejtohet nga Tom Doshi ka surprizuar në këto zgjedhje duke rrëmbyer 3 mandate deputetësh.

PSD ka fituar epërsi në Qarkun e Shkodrës ku fillimisht kishte një mandat duke goditur minutat e fundit të numërimit Partinë Demokratike, dhe duke i rrëmbyer deputetin e 6-shtë që kishte marrë nga PS.

Në Qarkun e Shkodrës PD ka marrë 5 mandate, PS3, PSD 2 dhe LSI 1. PSD renditet si forcë e tretë me 14.84 % të votave në Qarkun e Shkodrës.

Një tjetër mandat deputeti PSD e ka fituar sipas rezultateve paraprake në Tiranë, ku ende nuk ka përfunduar procesi i numërimit.

Kryetari i PSD, Tom Doshi i cili dha dorëheqjen në mënyrë të parevokueshme nga mandati i deputetit deklaroi se kjo forcë politike do të marrë 3 mandate në Shkodër dhe Tiranë.

Doshi tha se pas 25 Prillit ai do të bëjë koalicion me PS-në por jo me Lulzim Bashën./LajmiFundit