Me zemër të thyer, familjarët presin në Morinë 10 trupat e vdekur të emigrantëve

Ditën e sotme, familjarët e emigrantëve që vdiqën nga aksidenti i së dielës, po presin trupat e pajetë në kufirin e Morinës. Nuk ka asnjë informacion se kur pritet të arrijnë trupat e pajetë, ndërsa lajmi u dha nga ministri i Punëve të Brendshme të Kosovës, Xhelal Sveçla.

Një mërgimtar në një deklaratë për Kanal10 tha se jeton në Gjermani që 22 vjet dhe ka dalë për t’i nderuar viktimat dhe shprehur ngushëllime familjarëve të viktimave.

“Nga mëngjesi kam ardhur për t’i pritur trupat dhe nderuar… Vet e marr këtë rrugë, çdo verë, dy tri herë në vit e di çka është dhimbja e vendlindja”, tha ai.

Ai tha se në Kosovë ka raste kur vjen me veturë, autobus e aeroplan. “Kësaj radhe kam ardhur me makinë, me familje”, tha ai