"Doja të ikja me avion, gruaja këmbënguli të marrim autobuzin”, rrëfimi i një nga të mbijetuarve

Ramë Gashi, një nga të mbijetuarit, në rrëfimin e tij tregoi se këtë udhëtim nuk ka dashur ta bëjë, por vetëm për ti plotsuar dëshirën bashkëshortes.

“Nuk doja të shkonim me autobus, por ajo më bindi të shkoja me të me autobus. Doja të shkonim me avion, sepse udhëtimi nga Shtutgarti në Prishtinë zgjat vetëm 1 orë e gjysmë, por ajo insistoi që të shkojmë me autobus. Nuk do ta harroj kurrë këtë”, tha Ramë Gashi.

Nëntë pasagjerë dhe shoferi i dytë i autobusit nuk arritën që të mbijetonin, ndërsa 42 u lënduan, 15 në gjendje më të rëndë dhe 15 janë akomoduar nga autoritetet kroate. Sot Kosova e ka shpallur ditë zie.