“Shpërthen” frikshëm Covid-19 në Australi dhe Tajvan, qeveritë marrin masa të menjëhershme

Covid-19 ka shpërthyer frikshëm në Australi dhe Tajvan, duke detyruar qeverinë që të marrë masa të menjëhershme, për të parandaluar përhapjen masive. Mësohet se Tajvani do të zgjasë zbatimin e masave kufizuese deri më 28 qershor dhe shkollat do të mbesin të mbyllura deri në kohën e pushimeve verore, kanë thënë autoritetet më 7 qershor. Aktualisht, studentët do të ndjekin mësimet online.

Po ashtu, është bërë me dije se në Tajvan janë raportuar 11,298 raste pozitive dhe 260 viktima, ndërkohë që vetëm 3% e popullësisë është vaksinuar.

Ndërsa në Australi, Victoria, ditën e sotme janë shënuar një numër i lartë i të infektuarve, ndërsa autoritetet po tentojnë të gjurmojnë burimin e variantit Delta, që është identifikuar te të infektuarit.

Banorët e Melburnit janë duke pritur nëse do të masat e izolimit do të përfundojnë, siç është planifikuar më 10 qershor. Melburni ka hyrë në ditën e 11-të të izolimit të ashpër më 7 qershor, pasi autoritetet kanë idenitifkuar për herë të parë variantin Delta të koronavirusit.