Covid-19 i prodhuar në laborator, SHBA vijon me akuzat kundër Kinës për origjinën e virusit

Vijon “lufta” mes SHBA dhe Kinës, pasi kjo e fundit, sipas zyrtarëve amerikanë e ka krijuar Covid-19 në laborator. Një nga ish- anëtarët e Administratës Amerikane të Ushqimit dhe Barnave, tha se hetimet mbi origjinën e Covid-19 duhet të kryhen në mënyrë shkencore dhe të ruhet siguria kombëtare. Ai shprehet se hetimet duhet të zgjerohen edhe më shumë dhe të kërkohen informacione të tjera që mund të sqarojnë shumë pikëpyetje.

Ai sugjeron që çdo detaj duhet vlerësuar. “Duhet analizuar sjellja e qeverisë kineze, sjellja e laboratorit, shikohen prova të tjera rreth laboratorit, përfshirë infeksionet që ne tani e dimë se kanë ndodhur. Dhe kjo ndryshon vlerësimin e përgjithshëm“, tha ai.