U kap me 2.7 kg kokainë dhe heroinë/ Arrestohet 49-vjeçari shqiptar në Zvicër

Aktualitet

U kap me 2.7 kg kokainë dhe heroinë/ Arrestohet 49-vjeçari

Policia e Lucernës në Zvicër ka arrestuar një 49-vjeçar shqiptar, i dyshuar për trafikim të lëndëve narkotike. Gjatë operacionit, autoritetet sekuestruan rreth 2.7 kilogramë kokainë dhe afro 30 gramë heroinë.

Sipas policisë, shqiptari u arrestua më 12 gusht në Emmenbrücke, pas një hetimi të nisur nga autoritetet zvicerane. Ai dyshohet se kishte hyrë ilegalisht në Zvicër në fillim të gushtit me qëllim trafikimin e drogës.

Hetimet kanë zbuluar se para arrestimit, 49-vjeçari dyshohet se kishte shitur kokainë dhe heroinë te të paktën 20 persona. Një pjesë e parave të përfituara nga aktiviteti i dyshuar kriminal, sipas hetuesve, ishte transferuar në një llogari bankare në Shqipëri.

I dyshuari kishte qëndruar kryesisht në Zvicrën Qendrore, ndërsa identifikimi i tij u bë i mundur pas hetimeve të policisë.

Çështja po hetohet nga Prokuroria Publike e Emmenit, e cila drejton procedurën penale. Identiteti i 49-vjeçarit dhe origjina e lëndëve narkotike nuk janë bërë të ditura.

I dyshuari konsiderohet i pafajshëm deri në një vendim përfundimtar të gjykatës.
Dërgo reagimet

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion