Skandali me 27 tonë mish derri nga Brazili, shkarkohen nga detyra 4 inspektorë të AKU-së

Aktualitet

Skandali me 27 tonë mish derri nga Brazili, shkarkohen nga detyra 4

Katër inspektorë të Autoritetit Kombëtar të Ushqimit (AKU) janë shkarkuar nga detyra pas shkeljeve të konstatuara në procedurën e inspektimit të një ngarkese prej 27 tonësh me mish derri, të importuar nga Brazili.

Masa disiplinore “Largim nga detyra” është dhënë për L.B., inspektor kontrolli në Pikën e Kalimit Kufitar pranë AKU-së në Durrës, për mosverifikimin e plotë të dokumentacionit të ngarkesës, stabilimentit të autorizuar për eksport dhe vërtetësisë së certifikatës. Sipas Inspektoratit të Përgjithshëm, këto mangësi kanë bërë të mundur kalimin e ngarkesës në kundërshtim me kërkesat ligjore.

Ndërkohë, nga detyra janë larguar edhe tre inspektorë të Drejtorisë Rajonale të AKU-së në Fier, E.T., K.K. dhe M.G. Ata janë ndëshkuar për mosverifikimin e plotë të dokumentacionit, mosidentifikimin e të gjitha shkeljeve të konstatuara dhe vendosjen e një mase administrative që nuk ishte proporcionale me natyrën dhe rëndësinë e shkeljeve.

Njoftimi: 

Inspektorati i Përgjithshëm merr masa disiplinore për shkeljet e konstatuara në procedurën e inspektimit të ngarkesës prej 27 tonësh me mish derri, subjektit KING-MIT

Inspektorati i Përgjithshëm ka shqyrtuar përgjegjësitë e punonjësve të Autoritetit Kombëtar të Ushqimit, lidhur me procedurën e inspektimit të ngarkesës me mish derri me origjinë nga Brazili, të importuar nga subjekti KING-MIT.

Pas shqyrtimit të dokumentacionit, zhvillimit të seancave dëgjimore dhe vlerësimit të përgjegjësive individuale, Komisioni Disiplinor vendosi:

▪️ L.B., Inspektor Kontrolli në Pikën e Kalimit Kufitar pranë AKU-së, Durrës – masën disiplinore “Largim nga detyra”, për mosverifikimin e plotë të dokumentacionit të ngarkesës, mosverifikimin e stabilimentit të autorizuar për eksport dhe të vërtetësisë së certifikatës, duke lejuar kalimin e ngarkesës në kundërshtim me kërkesat ligjore.

▪️ E.T., K.K. dhe M.G., inspektorë pranë Drejtorisë Rajonale të AKU-së, Fier – masën disiplinore “Largim nga detyra”, për mosverifikimin e plotë të dokumentacionit, mosidentifikimin e të gjitha shkeljeve të konstatuara dhe vendosjen e një mase administrative jo proporcionale me natyrën dhe rëndësinë e shkeljeve.

Inspektorati i Përgjithshëm ka administruar dokumentacionin e përcjellë nga AKU-ja, ka kërkuar vlerësimin e përgjegjësive të punonjësve të përfshirë, ka ngritur Komisionin Disiplinor dhe ka zhvilluar dy seanca dëgjimore, përpara marrjes së vendimeve disiplinore.

Gjithashtu, për shkak të kompleksitetit të rastit dhe problematikave të konstatuara, Inspektori i Përgjithshëm ka urdhëruar verifikimin e ligjshmërisë së procedurave administrative të ndjekura nga Drejtoria e Përgjithëshme e AKU-së për importimin dhe inspektimin e ngarkesës, me qëllim shqyrtimin e plotë të dokumentacionit, veprimeve të kryera dhe përgjegjësive të strukturave të përfshira.

Inspektorati i Përgjithshëm tërheq vëmendjen e të gjithë Inspektorëve të AKU pranë PIK se nuk do të tolerojë asnjë pakujdesi, neglizhencë apo shkelje të procedurave dhe ligjit. Siguria Ushqimore qëndron në krye të listës së prioriteteve, ndaj IP mbetet i vendosur në misionin e tij për të dekurajuar çdo formë të mosrespektimit të ligjit dhe shmangies së përgjegjësive, duke garantuar zbatimin e kuadrit ligjor dhe forcimin e kulturës së përgjegjshmërisë.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion