Shpërthim në një supertanker në Ngushticën e Hormuzit, dyshohet për kontakt me minë detare (VIDEO)
Lajmifundit
/
10 October 2026, 20:54
Bota
Një supertanker që transportonte naftë bruto dyshohet se ka goditur një minë detare në Ngushticën e Hormuzit, duke shkaktuar një shpërthim të fuqishëm. Lajmi është bërë i ditur nga Garda Revolucionare Islamike e Iranit (IRGC), përmes një deklarate të transmetuar nga agjencia gjysmëzyrtare iraniane Tasnim.
Sipas autoriteteve iraniane, anija po përpiqej të largohej nga ngushtica përmes një rruge që Teherani e konsideron të paautorizuar. IRGC pretendon gjithashtu se supertankeri kishte çaktivizuar sistemet e navigimit dhe të pozicionimit gjatë lundrimit.
Massive Oil Tanker Hits Iran's Naval Mine Near Strait of Hormuz, ENGULFED IN FLAMES Public Relations Department of the IRGC: A large, rogue oil tanker carrying crude oil, attempting to leave a restricted area near the Strait of Hormuz, suffered a massive explosion after colliding with a naval mine in a declared hazardous area. This massive tanker, which had its navigation and positioning systems disabled, is currently engulfed in a huge fire following the collision with the naval mine, with the flames clearly visible to people living along the coast.
— Ryan Rozbiani (@RyanRozbiani) October 10, 2026
Në deklaratën e saj, pala iraniane paralajmëroi për pasoja ndaj anijeve që, sipas saj, shkelin rregullat e lundrimit në këtë korridor strategjik detar.
“Një zjarr i tmerrshëm është rezultati përfundimtar për çdo tanker që shkel rregullat dhe përpiqet të injorojë sigurinë dhe rregulloret e Ngushticës së Hormuzit”, thuhet në deklaratën e IRGC-së.
Deri më tani, autoritetet nuk kanë bërë të ditur emrin e anijes, flamurin nën të cilin lundron apo numrin e anëtarëve të ekuipazhit. Gjithashtu, nuk ka informacione të konfirmuara për viktima, persona të lënduar apo përmasat e dëmeve.
Shkaku i shpërthimit mbetet ende i pakonfirmuar në mënyrë të pavarur.
ME TE LEXUARAT
