Presidentja e re e Kosovës merr detyrën, këngëtarja shqiptare Rita Ora ndan pamjet e ceremonisë

Showbiz

Presidentja e re e Kosovës merr detyrën, këngëtarja
Këngëtarja shqiptare me famë botërore, Rita Ora, ka reaguar pas zgjedhjes së Justina Shiroka-Pulës në postin e presidentes së re të Kosovës.

Artistja me prejardhje nga Kosova ka ndarë me ndjekësit e saj në rrjetet sociale një video nga ceremonia e betimit të presidentes së re. Shiroka-Pula u betua para deputetëve të Kuvendit të Kosovës, duke marrë zyrtarisht detyrën e saj si presidente e vendit.

Rita Ora ka dëshmuar ndër vite lidhjen e fortë që ka me Kosovën dhe rrënjët e saj. Këngëtarja është shpallur Ambasadore Nderi e Kosovës dhe vazhdimisht ka shfrytëzuar platformën e saj ndërkombëtare për të promovuar vendin dhe identitetin shqiptar.

Në intervista, dalje publike dhe përmes rrjeteve sociale, ajo ka folur shpesh për origjinën e saj, Kosovën dhe kulturën shqiptare. Gjithashtu, në raste të ndryshme, Rita ka sjellë elemente të gjuhës dhe traditave shqiptare para publikut ndërkombëtar.

Reagimi i saj i fundit vjen në një moment të rëndësishëm për Kosovën, menjëherë pas zgjedhjes së Justina Shiroka-Pulës presidente.
Presidentja e re e Kosovës merr detyrën, këngëtarja
Zgjedhja e saj u bë pas një periudhe të gjatë të ngërçit politik, gjatë së cilës institucionet e Kosovës hasën vështirësi për të arritur një marrëveshje rreth zgjedhjes së presidentit të ri.

 


 

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion