Gjermania jep dritën jeshile për hapjen e negociatave me Shqipërinë dhe Maqedoninë e V

Ministri Federal i Punëve të Jashtme Heiko Maas ka çelur sot takimin virtual mes Ministrave të Jashtëm të Procesit të Berlinit.

Maas, gjatë fjalës së tij theksoi domosdoshmmërinë për të çuar përpara procesin e integrimit në BE të vendeve të Ballkanit Perëndimor.

Duke u ndalur edhe tek Shqipëria dhe Maqedonia e Veriut, Maas tha se këto dy vende kanë bërë progres të qëndrueshëm.

“Maqedonia e Veriut dhe Shqipëria kanë bërë progres të qëndrueshëm në reformën në drejtësi dhe luftën kundër korrupsionit dhe krimit të organizuar.

Me Marrëveshjen e Prespës Shkupi dhe Athina treguan lidership politik me rëndësi historike.

Kjo është arsyeja pse bisedimet e anëtarësimit me Maqedoninë e Veriut dhe Shqipërinë duhet të nisin tani. Falënderoj Presidencën Portugeze për marrjen përsipër të kësaj detyre për më tej – do të ketë mbështetjen tonë të plotë!”-tha Maas.