Dosja “Gërdeci”/ Shtyhet sërish seanca për Fatmir Mediun

Politikë

Dosja “Gërdeci”/ Shtyhet sërish seanca për Fatmir

Është shtyrë me dy javë të tjera seanca ndaj kryetarit të Partisë Republikane, Fatmir Mediu lidhur me dosjen “Gërdeci”.

Seanca e radhës është shtyrë për në datën 10 korrik. Shkak për shtyrjen u bë mungesa e gjyqtares Irena Gjoka, e cila nuk paraqiti të paktën deri më tani një motiv të qartë.

Seanca parashikonte marrjen e dëshmisë së 5 ekspertëve që kryen ekspertizën duke përcaktuar dëmin në 2008 për ngjarjen tragjike.

Ish-ministri i Mbrojtjes, Fatmir Mediu është vënë nën akuzë nga SPAK për çështjen “Gërdeci”, ku nga shpërthimi i ndodhur në fabrikën e municioneve atje, humbën jetën 26 persona.

Mediu po gjykohet në GJKKO për çështjen “Gërdeci” për dy akuza atë të “Shpërdorimit të Detyrës” dhe “Shpërdorim i detyrës në bashkëpunim me subjekt ushtarak-kuadër komandues”.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion