“Belinda Balluku është modeli më i keq i qeverisjes së PS”, Elisa Spiropali flet me emra dhe tregon pse u shkarkua

Politikë

“Belinda Balluku është modeli më i keq i qeverisjes së

Elisa Spiropali ka folur në emisionin “Top Story” për arsyet që, sipas saj, çuan në largimin nga posti i ministres së Jashtme dhe pikënisjen e përplasjeve me Edi Ramën.

Spiropali u ndal te qëndrimi i saj për çështjen e Belinda Ballukut, duke pranuar se mosvotimi për heqjen e imunitetit ishte një akt politik. Ajo theksoi se kundërshtimi nuk kishte të bënte me mbrojtjen personale të Ballukut, por me modelin e qeverisjes që, sipas saj, përfaqëson.

Ajo u shpreh se Balluku është modeli më i keq i qeverisjes brenda forcës politike, por shtoi se ndien keqardhje për të në aspektin njerëzor.

“Dua ta them me plot gojën që, sa u takon fjalëve që janë thënë për antiligjshmëritë, për lidhjet me partnerët, këto janë mënyrat, besoj unë, më primitive për të adresuar problematika që nuk kanë lidhje me të. Nëse mund ta them me emër, për Belinda Ballukun, kam bërë një akt politik: mosvotimin për heqjen e imunitetit. Jo se dua të shoh një grua në pozita të tilla, por për shkak të moslegjitimitetit të modelit. Këtu fillon dhe mbaron problemi.”

Spiropali vijoi duke nënvizuar se, sipas saj, thelbi nuk qëndron te individët e veçantë, por te mënyra e funksionimit të modelit:

“Njerëz që, siç ka dalë më pas, kanë qenë duke shpërndarë favore politike me emra – a ka vlerë emri? Jo, vlerë ka modeli. Unë besoj se Belinda Balluku, emri i së cilës më del gjithkund në përballjen me vetveten, edhe pse nuk e kam përmendur, është modeli më i keq i qeverisjes në forcën tonë politike dhe viktima më e freskët e një modeli që duhet të ndryshojë. Këtë kam menduar kur nuk kam shkuar të votoj. Kam keqardhje edhe për të, për faktin që është grua, për fëmijët, madje edhe për shpirtin e saj lutem”, u shpreh Spiropali.

 

 

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion