Basha fitoi, del mesazhi i Bardhit për demokratët: Tani nis analiza, në 17 korrik Kuvendi

Kryesia e Partisë Demokratike do të mblidhet më 18 qershor. Sekretari i Përgjithshëm Gazment Brdhi u ka nisur një mesazh demokratëve, të cilët i njofton për mbledhjen.

Në mbledhjen e Kryesisë do të diskutohet analiza në nivel qarku për zgjedhjet e 25 prillit, të cilësuara si masakër zgedhore. Gjithashtu, Bardhi njofton se në 17 korrik do të thirret Kuvendi Kombëtar i PD.

“Të nderuar anëtarë të Kryesisë,

Ditën e premte, datë 18 Qershor 2021, ora 11:00, do të zhvillohet mbledhja e Kryesisë së Partisë, me këtë Rend Dite:

Miratimi i metodologjisë së analizës në nivel Qarku, Dege, Grupseksioni dhe Seksione për masakrën zgjedhore të 25 Prill.
Thirrjen e Kuvendit Kombëtar të Partisë më datë 17 Korrik 2021, dhe miratimi i rendit të ditës së Kuvendit.
Me respekt,

Sekretari i Përgjithshëm Gazment Bardhi,” shkruhet në mesazhin e Bardhit.

Këto zhvillime në selinë blu vijnë menjëherë pas zgjedhjeve të brendshme, ku Lulzim Basha fitoi përballë tre kandidatëve duke u rikonfirmuar për herë të tretë në krye të partisë.