Pas paralajmërimeve, policia hedh ujë drejt protestuesve, të rinjtë u përgjigjen me gurë

Pas disa paralajmërimeve, policia ka ndërhyrë duke hedhur ujë, për të shpërndarë protestuesit. Megjithatë, qytetarët nuk janë tërhequr dhe kanë vijuar të hedhin gurë. Policia megjithatë shihet e tërhequr. 

Qytetarët krijuan barrikada duke përmbysur koshat e mbeturinave dhe duke u vendosur flakën. Ata hodhën lëndë piroteknike dhe gurë drejt efektivëve.  

"Të nderuar qytetarë, protestoni në mënyrë paqësore. Mos hidhni lëndë piroteknike dhe armë të ftohta. Rrezikoni jetën e efektivëve. Përndryshe, policia do detyrohet të përdorë dhunë"- ka qenë paralajmërimi i forcave të rendit, i përsëritur disa herë.