Kuqezinjtë shpërthejnë në San Marino! Shqipëria merr fitoren e dytë dhe kreun e grupit

SAN MARINO – SHQIPËRI 0-3

Shqipëria ka marrë një fitore të pastër dhe të rëndësishme në transfertë, duke mposhtur San Marinon me rezultatin 3-0, në sfidën e vlefshme për Ligën e Kombeve.

Kuqezinjtë e kontrolluan ndeshjen dhe arritën të shënonin tre herë, duke mos i dhënë shumë hapësira kundërshtarit për të rrezikuar portën shqiptare.

Ky triumf i jep Shqipërisë 3 pikë të rëndësishme, ndërsa kuqezinjtë kaluan në vendin e parë në grup.

Rezultati 0-0 i Bjellorusisë ndaj Finlandës i kishte dhënë më herët një mundësi të mirë Shqipërisë për të përfituar në renditje.

Me këtë sukses, skuadra e drejtuar nga Rolando Maran konfirmon momentin pozitiv dhe tashmë fokusi kalon te sfidat e ardhshme, ku çdo pikë do të jetë vendimtare për objektivat e kuqezinjve.

Minuta 90 – Mbyllet gjithçka. Shqipëria fiton 3-0.

Minuta 73 – Qefalija debuton me kombëtaren shqiptare.

Minuta 64 – Manaj gjen golin e tretë për Shqipërinë.

Minuta 45 – Mbyllet pjesa e parë San Marino – Shqipëri 0-2. Golat nga Mehmeti dhe Uzuni.

Minuta 26 – Uzuni gjen golin e dytë për kuqezinjtë.

Minuta 20 – Mehmeti gjen golin e parë për Shqipërinë.

Minuta 10 – Muçi sërish i rrezikshëm pas kombinimit me Uzunin.

Minuta 8 – Muçi për pak sa nuk ka gjetur golin me një gjuajtje nga distanca por topi u kap nga portieri.

FORMACIONI KUQEZI

Sherri, Sina, Mitaj, Gjimshiti, Ismajli, Shehu, Asllani, Muçi, Mehmeti, Uzuni, Manaj.