Vendosi lëndë shpërthyese në trupin e tij, vret veten lideri i Boko Haram

Ka vrarë veten lideri i grupit militant në Nigeri, Boko Haram, Abubakar Shekau. Të paktën kështu deklaruan rivalët militantë në një audio-incizim. Shteti Islamik Provinca e Afrikës Veiore (Isëap) ka thënë se Shekau ka vdekur pasi ai ka vendosur lëndë shpërthyese në trupin e tij.

Sipas tyre, ngjarja ka ndodhur pas përleshjes mes militantëve të të dyja formacioneve. Ata shtojnë se Shekau është raportuar i vdekur muajin e kaluar, si dhe i vrarë prej një kohe.

Nga ana tjetër, as Boko Haram, as Qeveria e Nigerisë nuk kanë konfirmuar vdekjen e tij. Analistët thonë se nëse konfirmohet vdekja e Sheakut, është e paqartë nëse do të shënonte fundin e Boko Haramit.

Disa parashikojnë se vdekja e Shekaut mund të rezultojë me dhënie fund të rivalitetit të dhunshëm mes grupeve Boko Haram dhe Shtetit Islamik Provinca e Afrikës Veriore, mirëpo të tjerë thonë se militantët e Boko Haramit do t’iu qëndrojnë besnikë ideve të tyre.