Protestoi “ashpër” kundër dëbimit të familjeve palestineze, aktivistja: Asnjë arrestim nga Izrael nuk na frikëson

Arrestohet Muna el-Kurd, aktivistja palestineze e cila protestoi fort kundër dëbimit të mundshëm të familjeve palestineze nga shtëpitë në Jeruzalemin Lindor. Mediat ndërkombëtare shkruajnë se aktivistja u arrestua në shtëpinë e saj, e akuzuar për pjesëmarrje në trazira.

Vëllai binjak i el-Kurd Mohammed gjithashtu u mor në pyetje pasi u dorëzua në polici. Të dy më vonë u lanë të lirë. Pas lirimit, aktivistja tha për gazetarët: "Pavarësisht se çfarë bëjnë ata për të na terrorizuar dhe frikësuar, asnjë arrestim nuk do të na frikësojë.”

Kujtojmë se tensionet në Sheik Jarrah luajtën një rol në luftimet e fundit midis Izraelit dhe grupit militant Hamas.