Konservatorët e Merkel favoritë në zgjedhjet federale në Gjermani

Të dielën, konservatorët e kancelares gjermane, Angela Merkel arritën një itore elektorale përtej parashikimeve, dhe e gjejnë veten si favorite. Mësohet se kristiandemokrati Rajner Hazelof me 37 % të votave, triumfoi në landin e vogël lindor të Saksoni-Anhaltit, duke e përmirësuar rezultatin me 7 për qind nga zgjedhjet e 2016-ës.

Mediat gjermane shkruajnë se gara e një dite më parë ishte një sprovë për kryetarin e ri të CDU-së, Armin Lashet, i cili do të ketë udhëheqjen e partisë e ndoshta të qeverisë me largimin e Merkelit nga politika.

Ndërkohë që Partia e ekstremit të djathtë, "Alternativa për Gjermaninë", ruajti vendin e dytë me gati 21 % të votave. "Ky është sukses i madh për Saksoni-Anhaltin, sidomos kur dihet që luftohemi nga të gjithë krahët, edhe nga antifashistët. Kundërshtarët tanë e degraduan fushatën elektorale."

Nga ana tjetër, të Gjelbrit morën vetëm gati 6 për qind të votave, edhe pse parashikohet të jenë blloku më i madh politik në parlamentin e dalë nga zgjedhjet e 26 shtatorit. Socialdemokratët pësuan një rënie të mëtejshme historike në fundjavë.