Turqia është gati që të ulë tensionet me Bashkimi Europian

Bota

Turqia është gati që të ulë tensionet me Bashkimi

Një lajm i mirë vjen nga BE dhe Turqia, ku pritet që të punojnë për të ulur tensionet dypalëshe. Një ditë më parë, Presidentja e Komisionit Europian, Ursula fon der Lajen dhe presidenti i Këshillit Europian, Sharl Mishel, presidentin turk, Rexhep Taip Erdoan për të diskutuar mbi raportet dhe perspektivat e bashkëpunimit.




 “Fusha e parë që duam të fuqizojmë janë lidhjet ekonomike, duke qenë edhe partneri parësor i Turqisë. Së dyti, duam tryeza dialogu të nivelit të lartë për çështje si ndryshimet klimatike apo për situatën me kovidin-19. Fushat e tretë janë programet e shkëmbimit, dhe e katërta, çështja e refugjatëve dhe e emigracionit”, thanë përfaqësuesit e BE.

Ndërkohë, kujtojmë se marrëdhëniet BE-Turqi u acaruan vitin e kaluar si pasojë e përplasjeve mes Ankarasë dhe Athinës në Mesdheun Lindor, ku Turqia vlerëson se ka të drejtë ta shfrytëzojë për aktivitete ekonomike. Ankaraja gjithashtu ka pretendime për sa i përket ujërave territorialë përballë Greqisë.

Por dy zyrtarët e BE-së thanë se Turqisë i duhet të punojë më shumë për shtetin e së drejtës. Temat e fundit që shqetësojnë Brukselin janë tërheqja e Ankarasë nga konventa europiane për parandalimin e dhunës ndaj grave dhe fëmijëve, dhe largimin me ligj të një partie opozitare kurde nga parlamenti.

“Turqia duhet të respektojë standardet ndërkombëtare për të drejtat e njeriut, për të cilat vendi është zotuar edhe si anëtar themelues i Këshillit të Europës,” tha presidentja Fon der Lajen.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion