Lehtësohen masat anti- Covid në Portugali, hapen kufijtë tokësorë me Spanjën

Qeveria portugaleze ka marrë vendimin për lehtësimin e masave anti- Covid, ndër të cilat është edhe hapja e kufijëve tokësorë me Spanjën. Kujtojmë se në fillim të këtij viti, Portugalia u përball me valën më të rëndë të Covid-19, duke u raportuar pothuajse 300 të vdekur në ditë. Ishte kjo situatë që detyroi qeverinë që të tregohet e ashpër me masat.

Ndërkohë, mediat vendsase shkruajnë se përpos hapjes së kufijëve me Spanjën, qeveria ka zgjatur orarin e hapjes së kafeneve, restoranteve etj. Qeveria gjithashtu lejon organizimin e dasmave apo festave.