Alarm për bo'mbë edhe në mbledhjen e prokurorëve, kontrolle pas emailit kërcënues

Një alarm për bombë është ngritur gjatë mbledhjes së prokurorëve, pas mbërritjes së një emaili kërcënues në adresë të institucioneve.

Sipas informacioneve paraprake, mesazhi përmban kërcënime për vendosjen e një mjeti shpërthyes, duke vënë në lëvizje strukturat përkatëse të sigurisë.

Policia po ndjek situatën dhe pritet të verifikojë përmbajtjen e emailit, si dhe vërtetësinë e pretendimeve për praninë e një mjeti shpërthyes.

Me heret edhe policia reagoi nepermjet nje njoftimi.

Policia e Shtetit

Në adresat elektronike zyrtare të disa institucioneve shtetërore është dërguar një mesazh kërcënues, në të cilin pretendohet për vendosjen e lënde shpërthyese në ambientet e tyre.

Policia e Shtetit ka nisur menjëherë verifikimet. Deri tani, nuk është evidentuar asnjë rast i vendosjes së lëndëve shpërthyese.

Nën drejtimin e Prokurorisë, strukturat e specializuara të Policisë së Shtetit vijojnë punën për identifikimin e burimit të mesazhit.