Dhunë fizike dhe psikologjike në familje, arrestohen 3 persona në Durrës

Policia e Durrësit kanë vënë në pranga 3 persona, të akuzuar për dhunë fizike dhe psikologjike në familje. Në pranga ka rënë një 32-vjeçar, i cili më herët, kishte marrë urdhër të mos i afrohej nënës së tij.

Në pranga ka rënë një 40-vjeçar, gjithashtu i akuzuar për dhunë ndaj nënës së tij. Ndërsa 37-vjeçari në Vlorë, ka ushtruar dhunë ndaj bashkëshortes së tij.

“ Specialistët për Hetimin e Krimeve në Komisariatin e Policisë Durrës arrestuan në flagrancë shtetasit:

N. Sh., 32 vjeç, banues në Durrës, pasi në kundërshtim me vendimin e Gjykatës, ka ushtruar dhunë fizike dhe psikologjike ndaj nënës së tij, e cila është e pajisur me urdhër-mbrojtje.    

I. K., 40 vjeç, banues në Durrës, pasi në banesë ka ushtruar dhunë fizike dhe psikologjike ndaj nënës së tij. Gjithashtu, u bë ndalimi me iniciativë i shtetasit G. S., 37 vjeç, banues në Vlorë, pasi ka ushtruar dhunë fizike dhe psikologjike ndaj bashkëjetueses së tij. Materialet i kaluan Prokurorisë së Rrethit Gjyqësor Durrës, për veprime të mëtejshme”, njofton policia.