Agjencia që zëvendëson SHÇBA sot në Kuvend! Çfarë parashikohet për punonjësit

Aktualitet

Agjencia që zëvendëson SHÇBA sot në Kuvend!

Kuvendi pritet të votojë sot edhe ligjin për Agjencinë e Mbikëqyrjes Policore, e cila zëvendëson Shërbimin për Çështjet e Brendshme dhe Ankesat në Policinë e Shtetit.

I propozuar që në legjislaturën e kaluar, maxhoranca socialiste priti opozitën në diskutimet për këtë ligj, të cilin ministri i Brendshëm, Bledi Çuçi, e ka cilësuar si shumë të rëndësishëm. Ligji i ri i përbërë prej 88 nenesh përcakton qartë kriteret që duhet të kenë anëtarët dhe drejtuesit e kësaj strukture të re në varësi të Ministrisë së Brendshme.

Në ligj thuhet se: “Punonjësit i ndalohet të marrë pjesë në veprimtari politike, brenda ose jashtë orarit zyrtar, apo të shprehë publikisht bindjet dhe preferencat e tij politike dhe të jetë anëtar i një partie apo organizate politike dhe të cenojë natyrën e depolitizuar të institucionit; c) të mbështesë fushatën e një partie, duke marrë pjesë ose kontribuar fizikisht ose financiarisht.

Punonjësi i Agjencisë është i detyruar të shmangë çdo konflikt ndërmjet interesave të tij privatë dhe interesit publik në ushtrimin e detyrës. Agjencia pranon donacione nga persona fizikë e juridikë, vendas apo të huaj, me përjashtim të personave që janë në konflikt interesi me veprimtarinë e Agjencisë. Pushimi vjetor i pagueshëm është 30 deri në 45 ditë kalendarike dhe jepet i shkallëzuar, sipas niveleve e funksioneve”.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion