Tensione në protestën para Kryeministrisë, policia largon me forcë qytetarët: “Nuk na lënë të protestojmë as këtu!”

Policia ka ndërhyrë sërish ndaj protestuesve që po qëndronin në mënyrë paqësore në trotuarin përpara Kryeministrisë, duke i larguar me forcë nga zona pranë godinës së qeverisë.
Sipas raportimeve, efektivët iu janë afruar qytetarëve dhe u kanë kërkuar të largohen, pavarësisht se ata po qëndronin në trotuar.
Ndërhyrja ka shkaktuar pakënaqësi dhe kundërshtime nga ana e protestuesve, të cilët kanë vënë në pikëpyetje arsyen e largimit të tyre.
Qytetarët pretendojnë se policia nuk i lejon të protestojnë në Bulevard dhe se tashmë po i largon edhe nga trotuari përpara Kryeministrisë, duke u mohuar, sipas tyre, hapësirën për të shprehur qëndrimin e tyre.


