“Nora, faleminderit që na gëzove në këtë ditë pikëllimi” (Foto)

Kreu i Aleancës për Ardhmërinë e Kosovës, Ramush Haradinaj, ka uruar Nora Gjakovën, pasi ajo ka fituar medaljen e artë olimpike në Tokio. Përmes një postimi në Facebook, Haradinaj e falenderon 28-vjeçaren.

“E pamposhtur! E artë! Nora Gjakova, siguroi medaljen e dytë të artë për Kosovën në Olimpiadë. Inspirim, nder dhe krenari për të gjithë ne. Faleminderit që na gëzove në këtë ditë pikëllimi”, ka shkruar Haradinaj.

Nora Gjakova e ka fituar medaljen e artë olimpike, pasi mposhti Sarah Leoine Cysiquen në finale, duke ia siguruar Kosovës medaljen e tretë të artë olimpike në historinë e saj. Nora triumfoi ndaj francezes në finale e kategorisë deri në 57 kilogramë, duke e fituar medaljen e parë olimpike në karrierë.