SPAK jep pretencën për ish-kryebashkiakun e Divjakës, sa vite burg kërkon për Fredi Kokoneshin?

Aktualitet

SPAK jep pretencën për ish-kryebashkiakun e Divjakës, sa vite
Prokuroria e Posaçme ka dhënë pretencën për ish-kryebashkiakun e Divjakës, Fredi Kokoneshi, dhe tre të pandehurit e tjerë, të akuzuar për shpërdorim detyre.

Në pretencën e saj, SPAK ka kërkuar dënimin me 1 vit burg për Fredi Kokoneshin, si dhe ndalimin e ushtrimit të funksioneve publike për një periudhë 3-vjeçare ndërsa vendimi për të pandehurit do të merret nga Gjykata e Posaçme.

Për tre të pandehurit e tjerë, prokuroria ka kërkuar:

Dorian Spaho: 1 vit burg për shpërdorim detyre në bashkëpunim dhe ndalim të ushtrimit të funksioneve publike për 2 vite; Andi Bollari: 1 vit burg për shpërdorim detyre dhe ndalim të ushtrimit të funksioneve publike për 2 vite; Ledio Xharo: 1 vit burg për shpërdorim detyre dhe ndalim të ushtrimit të funksioneve publike për 2 vite.

Ish-zyrtari i lartë vendor akuzohet për shpërdorim detyre lidhur me kalimin e tokave bujqësore te kompani private për realizimin e investimeve në panele diellore.

Sipas hetimeve, bëhet fjalë për 70 hektarë tokë bujqësore, të cilat dyshohet se u janë kaluar në mënyrë të paligjshme dy operatorëve ekonomikë, me afat shfrytëzimi 10-vjeçar.

Krahas Kokoneshit, të pandehur janë marrë edhe tre zyrtarë të tjerë të Bashkisë Divjakë. Dosja është hetuar fillimisht nga ish-Prokuroria e Lushnjës.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion