Gjoba deri në 15 milionë lekë në Shqipëri, çfarë rrezikojnë kompanitë për shkeljet digjitale?

Aktualitet

Gjoba deri në 15 milionë lekë në Shqipëri,
Prodhuesit, importuesit dhe tregtuesit e produkteve me elementë digjitalë në Shqipëri pritet të përballen me detyrime të reja për garantimin e sigurisë kibernetike, ndërsa mosrespektimi i tyre parashikohet të ndëshkohet me gjoba deri në 15 milionë lekë, ose 2,5% të xhiros vjetore të kompanisë.

Masat janë pjesë e projektligjit “Për kërkesat e sigurisë kibernetike për produktet me elementë digjitalë dhe qëndrueshmërinë kibernetike”, i cili është hedhur për konsultim publik.

Ministria e Infrastrukturës dhe Energjisë ka hapur procesin e konsultimit publik për projektligjin “Për kërkesat e sigurisë kibernetike për produktet me elementë digjitalë dhe qëndrueshmërinë kibernetike”, duke ftuar qytetarët, ekspertët, institucionet, organizatat e shoqërisë civile dhe subjektet e interesuara të paraqesin sugjerimet e tyre.

Nisma ligjore synon krijimin e një kuadri të unifikuar për garantimin e sigurisë kibernetike të produkteve me elementë digjitalë që vendosen në tregun shqiptar, duke përcaktuar standardet që duhet të përmbushen gjatë projektimit, zhvillimit dhe prodhimit të tyre.

Një tjetër element i parashikuar është forcimi i mekanizmave të raportimit të cenueshmërive dhe incidenteve kibernetike, përmes një platforme të vetme raportimi, ku rol do të ketë edhe CSIRT-i kombëtar.

Sipas relacionit shoqërues, zbatimi i projektligjit pritet të ulë ekspozimin e produkteve ndaj rreziqeve kibernetike, të rrisë mbrojtjen e të dhënave dhe besimin e përdoruesve, si dhe të forcojë bashkëpunimin ndërmjet institucioneve përgjegjëse.

Projektligji synon përafrimin e legjislacionit shqiptar me kuadrin rregullator të Bashkimit Evropian në fushën e qëndrueshmërisë kibernetike.

 


 

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion