William dhe Harry dhurojnë fustanin e nusërisë së Princeshë Diana, ja plani që është bërë për veshjen ikonike

Ka dalë në ekspozitë, veshja ikonike prej mëndafshi, e shenjuar në imagjinatën kolektive të viteve 1980, që princeshë Diana e ka veshur në dasmën e saj. Ky fustan “rikthehet” në vëmendjen e të gjithve pas 25 vitesh.

Mediat britanike kujtojnë se ky fustan u dhurua nga djemtë e saj, William dhe Harry, për të qenë pjesë e një ekspozite të re, e vendosur në Pallatin Kensington, restaurimi i të cilit përfundoi së fundmi, raportoi media britanike.

Mediat shkruajnë se titulli i ekspozitës që do të përurohet më 3 qershor është “Royal Style in Making” (Krijimi i stilit mbretëror). Mësohet se qëllimi i kësaj ekspozite është të eksplorojë marrëdhëniet e ngushta dhe intime që krijohen midis një krijuesi të modës dhe një prej klientëve të tij, që është anëtar i familjes mbretërore.

Në këtë sfond, disa nga krijimet më domethënëse do të ekspozohen për të gjetur një rrugë që mund të kulmojë vetëm me veshjen e dasmës së Dianës, me joshjen e saj dhe historinë e saj, të krijuar nga David dhe Elizabeth Emanuel, për ditën e martesës së Lady Diana Spencer me Princi Charles më 29 korrik 1981.