Konkurrencë mes reperësh, Noizy dhe Mozzik “debat” online

Noizy dhe Mozzik janë “përplasur” me postime në “story” ditën e sotme. Gjithçka ka nisur pas paralajmërimeve të të dy artistëve për këngë të reja. Kjo ka shkaktuar polemikën me Noizyn i cili është shfaqur i revoltuar dhe i bindur që po kopjohet.

“Nuk guxon robi me thonë që kam me trondit vendin se fill fillojë tu t’kopju edhe statusat. Jo tërmet jo ç’tërmet”, ka deklaruar Noizy duke e çuar mesazhin e drejtpërdrejtë tek Mozzik.

Nuk ka munguar as replika e këtij të fundit i cili këtë replikë të reperit e ka quajtur “blla blla”, konkretisht llomotitje. Por, nuk përjashtohet mundësia që kjo të jetë forma atipike e paralajmërimit të një bashkëpunimi të dyshes me njëri-tjetrin.

“Planin” e ka dekonspiruar Rvchet, producenti i OTR që mes tjerash në story komunikimin e ka interpretuar si bashkëpunim, postim i cili më pas është fshirë shpejt nga story. /Express