Dua Lipa dhe i dashuri i saj, Anwar Hadid fotografohen rrugëve të Tiranës

Dua Lipa, këngëtarja shqiptare me famë botërore, ndodhet sot në Tiranë e shoqëruar nga familja e saj dhe i dashuri, Anwar.

Ajo u prit nga kryeministri Rama dhe kryebashkiaku Veliaj. Fotografi Florion Goga ka shkrepur disa imazhe të Duas duke shëtitur në Tiranë, e kapur për dore me Anwar, vëllai i motrave Gigi e Bella Hadid.

Ata janë së bashku që prej vitit 2019. Dua nuk e kishte lajmëruar në rrjetet e saj sociale këtë vizitë në Tiranë.

Nëpërmjet disa fotove të publikuara në Instagram, këngëtarja ka treguar se ka ardhur në Shqipëri për të parë nga afër punimet që po zhvillohen për mobilimin e kopshtit me fondet që janë mbledhur nga shitja e bluzave “Lutu për Shqipërinë”, një iniciativë nga vetë këngëtarja në bashkëpunim me miqtë e saj.