Zyrtarit të PD i djegin makinën, dyshohet si shkak konfliktet për shkak të fushatës elektorale

Kryetari i grupseksionit të Partisë Demokratike në Shelqet të bashkisë Vau i Dejës, Ariston Drini ka denoncuar në polici se i kanë djegur makinën. Zyrtari ka dëshmuar se ka dëgjuar si fillim një shpërthim e më pas ka parë automjetin në flakë. Informacionet bëjnë me dije se ngjarja ka ndodhur rreth orës 1.30 të mëngjesit të sotëm.

Zyrtari ka dëshmuar se makina e tij ishte parkuar para banesës, ndërsa ka mohuar të kishte konflikte apo probleme. Policia nga ana tjetër dyshon se shkak mund të jenë konfliktet për shkak të fushatës elektorale.