Gjendet i pajetë brenda makinës së vëllait / Detajet e para për vdekjen e 39-vjeçarit në Tiranë

Një 39 vjeçar me iniciale D.D është gjendur i pajetë brenda një automjeti, i cili është në pronësi të vëllait të tij.

Sipas policisë, paraprakisht dyshohet se humbja e jetës ka ardhur për shkaqe natyrale.

Ngjarja e rëndë ka ndodhur këtë të dielë, në rrugën “Ali Bakiu”.

Njoftimi i policisë:

Në rrugën “Ali Bakiu”, brenda një automjeti është gjetur pa shenja jete dhe pa shenja dhune shtetasi D. D, 39 vjeç, banues në Paskuqan.

Automjeti rezulton në pronësi të vëllait të tij, shtetasit P. D. Paraprakisht dyshohet se humbja e jetës ka ardhur për shkaqe natyrale.

Grupi hetimor po vijon veprimet për sqarimin e plotë të rrethanave të rastit dhe përcaktimin e saktë të shkakut të vdekjes.