Shkodra përfundon numërimin, Tom Doshi mund kandidatët e PD dhe PS me votat, ja rezultati

Në Qarkun e Shkodrës ka përfunduar numërimi, ku është vënë re se Tom Doshi, ish- kryetari i PSD, ka arritur të marrë më shumë vota, se kandidatët e PD dhe PS. Sipas KQZ, Doshi ka marrë 7886 vota dhe Gledis Çeliku, po nga partia e tij, ka marrë 949.

Në Partinë Socialiste, kryeson Paulin Sterkaj 7335, ndërsa pas tij renditet Benet Beci me 6131 vota. Edona Bilali ka marrë 2711 vota dhe Ilir Beqaj 3920.

Ndërsa në partinë demokratike, Helidon Bushati ka siguruar 6743 vota, Emilja Koliqi 1364, Ramadan Likaj 4778 vota, Greta Bardeli 2753. Po ashtu, nga PD-ja, Zef Hila ka marrë 5975 vota, Lodovik Hasani 3810. Në LSI-ja, Agron Çela ka siguruar 2656 vota dhe Edmond Ndou 1809.