Fotot/ Pjerin Xhuvanit i jepet lamtumira, dhjetëra qytetarë të Elbasanit e përcjellin në banesën e fundit

 Një ditë pas vrasjes së Pjerin Xhuvanit, dhjetëra qytetarë janë mbledhur ditën e sotme për ta përcjell atë në banesën e fundit.

Nga fotot e siguruara shihen familjarë, të afërm dhe qytetarë të thejtë të Elbasanit, të cilët janë mbledhur ditën e sotme për t’i dhënë atij lamtumirë. Varrimi u bë mesditën e sotme, ku qytetarët nuk i sprapsi as moti i keq dhe me shi.

Pjerin Xhuvani, 56 vjeç, i njohur si mbështetës i Partisë Socialiste dhe ish-drejtori i Fondit të Detyrueshëm të Kujdesit Shëndetësor është ekzekutuar ditën e djeshme me armë zjarri.

Ngjarja e rëndë përpos viktimës, la pas edhe katër persona të plagosur. Ata janë: ish-polici Emiljan Prenga 39 vjeç, person me precedent penalë; Pavlo Vuksani 50 vjeç, ish-efektiv i policisë kriminale; Eltjon Bodinaku 32 vjeç (dhëndrri i viktimës) si dhe efektivja e forcave “Shqiponja”, Xhensila Sota 27 vjeçe.