"Nëse ikën Rama, kush do vijë?", blogerja e vë në siklet, befason Basha: Iliri, Saliu dhe Monika...

Një moment interesant ndodhi gjatë bisedës së kryedemokratit Lulzim Basha me blogeret shqiptare që ia kanë dalë që përmes rrjeteve sociale të fitojnë audiencë dhe para. 

Blogerja, njëherazi edhe moderatorja e Thumb, Fatma Haxhialiu solli në vëmendje një nga shprehjet që dëgjohet kudo nëpër Shqipëri, “nëse ikën Edi Rama, kush do të vijë”.

Dhe nëse vetë Rama, përgjigjet “Po ika unë, vjen Iliri, Saliu dhe Monika”, kryedemokrati e priti me shumë sportivitet deklaratën e Fatmës dhe i dha një përgjigjie të prerë se çfarë ndodh nëse ikën Edi Rama.

“Shprehja më demoralizuese në këtë shoqëri është iku ky po kush do të vijë, a thua ti se kushedi ça po na bëjnë tani këta, se më kujtohet kur vdiq Enver Hoxha, obobo, ku do vemi”-tha Fatma.

Duke qeshur kryedemokrati ia ktheu: Gjëja e parë do t’ju ulen taksat, gjëja e dytë do t’ju kthehet shteti qytetarëve.