"Kinemaja franceze humbet një tjetër yll / Ndahet nga jeta aktorja e njohur (FOTO)

Aktorja franko-ruse Marina Vlady, e njohur për rolet e saj në kinematografinë franceze dhe ndërkombëtare, është ndarë nga jeta të enjten, më 24 shtator 2026, në moshën 88-vjeçare.

Lajmi është bërë i ditur nga familja e saj për Agjencinë Franceze të Lajmeve (AFP). Sipas një deklarate të fëmijëve të saj, Vlady ndërroi jetë në shtëpi.

“Një jetë e gjatë, e bukur dhe e plotë”, e cilësuan ata jetën e aktores, duke i bërë homazh një prej figurave të njohura të kinemasë franceze.

Marina Vlady ndërtoi një karrierë të gjatë në film, duke marrë pjesë në më shumë se 80 produksione. Ajo u bë e njohur edhe për rolin e saj në filmin “Princesha e Cleves”, ndërsa në vitin 1963 u vlerësua në Festivalin e Filmit në Kanë për interpretimin në filmin “Le Lit conjugal”.

Përveç aktrimit, Vlady u angazhua edhe në muzikë dhe letërsi. Gjatë karrierës së saj ajo regjistroi disa albume dhe botoi libra, duke dëshmuar një profil artistik përtej kinemasë.