Dro'gonin dhe përdh'unonin femra për vite me radhë, gjykata merr vendimin ekstrem për tre vëllezërit milionerë

Tre vëllezër amerikanë, të njohur për pasurinë dhe aktivitetin e tyre në sektorin e pasurive të paluajtshme, janë dënuar me nga 30 vite burg secili nga një gjykatë në New York, pasi u shpallën fajtorë për drogimin dhe përdhunimin e dhjetëra grave gjatë dekadave.

Tal Alexander, 40 vjeç dhe binjakët Oren e Alon Alexander, 39 vjeç, u shpallën fajtorë në mars. Sipas prokurorisë, ata përdornin pasurinë dhe statusin e tyre shoqëror për të joshur gratë në festa, prona luksoze dhe udhëtime, ku më pas kryenin sulme seksuale.

Gjatë gjyqit pesëjavor, 11 gra dëshmuan se vëllezërit u kishin ofruar dhurata dhe udhëtime në destinacione si Aspen dhe Bahamas, përpara se t’i drogonin dhe t’i përdhunonin. Disa prej viktimave deklaruan se ishin të mitura në kohën e ngjarjeve.

Gjatë seancave, 12 viktima folën për pasojat psikologjike që kishin përjetuar. Disa kërkuan dënimin maksimal, burgim të përjetshëm për secilin prej vëllezërve. Gjykatësja Valerie Caproni i cilësoi veprimet e tyre si monstruoze dhe kritikoi faktin që ata vazhdonin të mohonin fajësinë.