Lajmet për shëndetin e saj bënë xhiron e rrjetit, Grida Duma tregon për gjendjen e saj

Moderatorja e ”Top Story”, Grida Duma ka zgjedhur ta nisë emisionin “Topin e kam unë” me një mesazh të drejtpërdrejtë për publikun, duke sqaruar se është në gjendje të mirë shëndetësore. 

Deklarata e saj vjen pas lajmeve dhe aludimeve që qarkulluan gjatë 24 orëve të fundit lidhur me shëndetin e saj. Moderatorja u shfaq e qetë, duke konfirmuar se gjithçka është në rregull dhe se emisioni do të vijojë me një tjetër qasje.

“Thënë këtë, këtu jemi të gjithë mirë. Unë jam mirë dhe e nisim ”Topin e kam unë’ me një stil apo metodikë tjetër”, u shpreh Duma.

Përveç këtij sqarimi, ajo u ndal edhe te zhvillimi i panelit të debatit, duke vlerësuar pjesëmarrësit që kanë arritur të bëhen pjesë e formatit dhe të përballojnë dinamikën e diskutimeve televizive.

Sipas Dumës, përzgjedhja e debatuesve mbetet një proces i vazhdueshëm, ndërsa aplikimet për t’iu bashkuar emisionit vijojnë.

 Ajo theksoi rëndësinë e krijimit të një brezi të ri njerëzish që kanë qëndrime për të shprehur publikisht dhe që arrijnë të përballen me debatet në një studio televizive me audiencë të gjerë.