SHBA/ Padia e ish-kongresmenes për publikimin e fotove nudo nga media, gjykata merr vendimin

Bota

SHBA/ Padia e ish-kongresmenes për publikimin e fotove nudo nga media,

Një gjykatëse në SHBA ka refuzuar një padi nga ish-kongresmenia amerikane Katie Hill, duke vendosur se fotot e saj nudo të dala në media pas pretendimeve të historive seksuale me anëtarë të stafit, nuk janë “pornografi hakmarrjeje” por përfshihen në “lirinë e shtypit”.

Gjykatësja e Los Angeles, Yolanda Orozco ka mbajtur anën e të përditshmes britanike Daily Mail duke vendosur se imazhet e zhveshura të Hill, të marra nga ish-bashkëshorti i saj Kenny Heslep dhe të publikuara nga gazeta, ishin “çështje e shqetësimit apo interesit publik” pasi tregonin karakterin dhe kualifikimet e Hill për pozitën e saj.

Orozco tha se në foto Hill shihej me një ndihmëse të fushatës, me të cilen kishte një marrëdhënie të fshehtë asokohe, dhe gjithashtu “duket se e tregojnë atë duke përdorur droga ilegale, dhe një tatuazh që përmbante simbole të supremacisë së bardhë.”
Gjykatësja refuzoi argumentet e avokatëve të Hill që thonin se dokumenti duhet të kufizojë objektin e tij duke mos i publikuar imazhet.

Historia në fjalë ishte në faqet e para të gazetave në tetor 2019, dhe rrjedhimisht solli dorëheqjen e Hill megjithë mbështetjen që ajo mori nga partia e saj dhe mediat. Akuzat thonin se Hill kishte pasur marrëdhënie intime me njerëz të shumtë gjatë detyrës, duke përfshirë dhe drejtorin e saj.  Ndërkohë Hill ka pranuar vetëm marrëdhënien me një femër anëtare të stafit dhe ka refuzuar akuzat e tjera.

Ajo ishte zotuar të çonte në gjyq Daily Mail për foto e publikuara, mes të cilave ishte dhe një ku Hill tymoste marijuanë e zhveshur, dhe në trup i shihej një tatuazh kryqi të thyer.
Pas skandalit Hill e ndryshoi veten e saj duke u bërë mbrojtëse e avancimit të grave, të cilat “shënjestroheshin për objektiva politikë”.

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion