Mjekët: Greva mund të “vrasë” Alexei Navalny, gjendja e tij shumë e rëndë

Gjendja shëndetësore e opozitarit Alexei Navalny është e rëndë, sipas mjekëve të tij. Këta të fundit kanë deklaruar së fundmi, se nëse kritiku i Kremlinit, nuk heq dorë nga greva e urisë, ai mund të vdesë. Ata theksojnë se, vazhdojnë të bindin atë që të shkëputet greva, por pa asnjë rezultat.

“Nëse greva e tij e urisë vazhdon edhe për një kohë minimale, për fat të keq, ai mund të vdesë”, thanë ata.

Ndërkohë që Alexei po lufton me jetën në burg, mbështetësit e tij vijojnë protestat për lirimin e tij. Vetëm një ditë më parë, autoritetet ruse kanë vënë në pranga 1,500 persona, që bënin thirrje për lirimin e Navalnit.

Ky i fundit u arrestua në shkurt, por që nga momenti i burgosjes, ai ka pasur shqetësime shëndetësore.