Rusia do tërheqë trupat ushtarakë nga Ukrahina, ministri: Ia arritëm qëllimin

Një javë pas vendosjes së trupave ushtarake në kufi me Ukrahinën, Rusia ka deklaruar se do i tërheqë. Lajmin e dha ministri rus i Mbrojtjes, Sergey Shoygu, i deklaroi se ka përfunduar stërvitja ushtarake në zonë dhe urdhëroi trupat ruse të ktheheshin në bazat e tyre të përhershme.

“Synimet e kontrollit të papritur u arritën plotësisht. Trupat ushtarake demonstruan aftësinë e tyre për të siguruar mbrojtje të besueshme të vendit. Në këtë drejtim, unë kam vendosur të përmbyll aktivitetet e inspektimit në qarqet ushtarake Jugore dhe Perëndimore”, tha Shoygu.

Ky vendim i marrë, ka marrë duartrokitjen e prsidentit të Ukrahinës, Volodymyr Zelenskiy. Ky i fundit përmes një postimi në Tëitter tha se vendimi ul  tensionin mes dy vendeve.

Ndërkohë, sjellim në vëmendje se Ukraina është përfshirë në konflikt në rajonet e saj lindore që nga marsi i vitit 2014, pas aneksimit të paligjshëm të Krimesë nga Rusia.