Më i riu në historinë e vendit, Kili do ketë një President që vjen nga e majta

Bota

Më i riu në historinë e vendit, Kili do ketë një

Me 55.8 për qind të votave, Gabriel Boriç, lideri i koalicioni të krahut të majtë Pacto Apruebo Dignidad, fitoi zgjedhjet presidenciale në Kili. Ai mundi Antonio Kast, kandidatin e të djathtës ekstreme.

Në raundin e parë të zgjedhjeve, më 21 nëntor, Kast mori 27.9 për qind të votave, Boriç 25.8%. Në moshën 35-vjeçare, Boriç do të jetë presidenti më i ri në historinë e Kilit.

Zgjedhjet, të cilat u zhvilluan të dielën, u konsideruan si më të polarizuarat në vitet e fundit, veçanërisht për shkak të protestave të mëdha që filluan në tetor të 2019 dhe për shkak të tyre u arrit më në fund të ndryshohej Kushtetuta e vendit, e cila ishte miratuar në kohën e diktaturës së gjeneralit Augusto Pinochet.

Kast është 55 vjeç, ai është pjesë e Partisë Republikane të Kilit dhe gjatë fushatës elektorale është paraqitur si njeriu që mund të vendosë rendin në vend. Ai është mbështetës i Pinochetit dhe konsiderohet homofobik. 55-vjeçari ka deklaruar se është njeriu i vetëm në vend që mund të ndalojë emigracionin.

Boriç, njëzet vjet më i ri është një ish-lider i lëvizjeve studentore dhe është zgjedhur për dy mandate në Parlament. Ai është betuar se do të forcojë rolin e shtetit për të garantuar të drejtat themelore si arsimi e shëndetësia.

Në një bisedë telefonike me presidentin në largim të Kilit, Sebastian Pinera, Boriç tha se do të jetë “presidenti i të gjithë kilianëve”.

Në një mesazh në rrjetin social Twitter, Kast e uroi Boriçin për “triumfin e tij të madh”, duke shtuar se “ai tani është presidenti i zgjedhur i Kilit dhe meriton gjithë respektin dhe bashkëpunimin tonë konstruktiv”.

Boriç, në komentin e tij shkruajti: Shpresa ka fituar mbi frikën.tch

ME TE LEXUARAT

NA SHKRUAJ

Portali Lajmifundit sjell Lajme nga Shqipëria, rajoni dhe bota në kohë rekord. Ju lutemi na kontaktoni nëse doni të kontribuoni me informacione të vlefshme për publikim në portalin tonë.

Kliko për më shumë informacion